Algun miembro di Konseho Insular huntu ku e departamento di administrashon di Grefi, a bishitá e departamento di Pòst i Archivo di entidat públiko Boneiru. Riba invitashon di Geert Stroo, hefe di Post i Archivo, e konsehalnan i trahadó di atministrashon a haña un bista di e retonan den e trabou di archivá.
Konseho Insular a keda informá di kantidat di notisia prekupante ku ta yega na e isla, spesialmente via blog personal, medionan sosial i tambe via e úniko korant lokal. Hopi di e publikashonnan aki ta parse di ta basá riba informashon ku ta bini direktamente for di organisashon di Gobièrnu di Boneiru, òf for di sírkulonan den i rònt di Gobièrnu.
Despues di lunanan di diskushon ku su propio komishonnan, ku e Kolegio Ehekutivo i e Kolegio Insularnan i Kolegio Ehekutivonan di Saba i St. Eustatius nos ta kla. E Konseho Insular di Boneiru, huntu ku e griffier interino, por bai Hulanda ku un dokumento ku ta permití e miembronan di Konseho Insular pa hasi un apelashon bon fundá pa mihó lei i regulashonnan pa Boneiru.
Stimulá diálogo tokante un kooperashon formal i establesé posishonnan konhunto riba áreanan di interes komun tabata e resultadonan prinsipal di e kumbre BES ku a tuma lugá siman pasá, for di 16 pa 18 di yanüari na St.Maarten. Miembronan di e Konseho Insular i Kolegio ehekutivo di Boneiru, Sint Eustatius i Saba a asistí na e kumbre aki.
E meta prinsipal di e kumbre di tres dia tabata pa sigui forma un aserkamentu kolektivo riba e retonan atministrativo i polítiko ku e islanan ta enfrentá, algun di nan komo resultado direkto di kambio konstitushonal.
17 di yanüari 2024, durante e di dos dia di e kumbre di konseho insular di Boneiru, Sint Eustatius i Saba, a diskutí diferente posishon relashoná ku e revishon di “Wet Openbare Lichamen Bonaire, Sint Eustatius en Saba” (WolBES) i “Wet Financien Bonaire, Sint Eustatius en Saba” (FinBES).
E promé dia di e kumbre di islanan BES komo señal pa un kooperashon di aliansa entre Boneiru, Sint Eustatius i Saba ta tras di lomba. Djamars 16 yanüari 2024 tabata e promé dia di e kumbre entre islanan BES pa yega na un akuerdo i posishon komun tokante e revishon di WolBES/FinBES. E kumbre a konta ku presensia di miembronan di Konseho Insular di tur tres isla, diputado di Sint Eustatius i Boneiru, Sekretario Insular di Boneiru i Sint Eustatius i tambe diferente konsehero di diferente spesialisashon ku ta asistí e islanan den e proseso aki.
Konseho Insular ta bai kuminsá ku un mishon di un siman di durashon, ku dos biahe importante pa fortalesé relashon, diskutí tokante desafionan komun i hiba diálogonan krusial
Un delegashon di miembro nan di konseho insular di Boneiru a bishitá Sint Maarten pa e selebrashon di dia di Sint Maarten. E bishitá no solamente tabata simbolisá kamaraderia entre e dos islanan, pero tambe tabata duna un plataforma pa kòmbersá tokante asuntunan krusial di interes mutuo.
Dia 24 di òktober 2023 a tuma lugá un reunion plenario den kual a tuma diferente desishon I tambe presentashon di kandidatonan I huramentashon di diputadonan nobo.
Riba djamars 17 di òktober, konseho insular a reuní pa un reunion krusial pa diskutí tantu e presupuesto proponé pa 2024 komo e kambionan di presupuesto pa aña fiskal 2023.
Durante e luna aki, un delegashon di poko miembro di Konseho Insular lo hasi un bishita di trabou di poko dia den eksterior. E bishita aki ta tuma lugá den kuadro di e prosedura pa nombramentu di un Gezaghèber nobo pa Boneiru.
Djamars próksimo Konseho Insular ta tene su promé reunion públiko di komishon di Planifikashon i Desaroyo (R&O) despues di resès, o sea e periodo sin reunion entre 19 di yüni i 11 di ougùstùs.
Entrante 31 di yüli, ofisina di Grefi di Konseho Insular i Kolaboradónan di frakshon ta alohá temporalmente na Kaya Pedro Luis Brion 12 (ántes ofisina di IND).